Lajmet e fundit
Kampioni i Kosovës në futboll, ka ftuar të gjithë shqiptarët që jetojnë në Gjermani dhe shtetet përreth, të bëhen bashkë në Düsseldorf, ku të dielen zhvillohet Superkupa Kosovë-Diasporë.
Duke kujtuar peshën historike që ka muaji nëntor për kombin, Ballkani e quan festë edhe përballjen me Kosova Düsseldorfin, njofton Klankosova.tv.
"Kemi kënaqësinë dhe nderin që pikërisht në prag të festës së Flamurit Kombëtar, daljes në skenë të Ushtrisë tonë të lavdishme Çlirimtare e ditëlindjes së komandantit legjendar, Adem Jashari, të bëhemi bashkë në Dusselsorf të Gjermanisë me bashkatdhetarët tanë, për një festë sportive shqiptare", shkruhet në postimin e "portokall e zinjëve" për ballafaqimin e 17 nëntorit.
Për tre herë kampionin e Kosovës në futboll, Ky duel futbollistik i bashkon dhe fuqizon më shumë shqiptarët.
"Ky duel futbollistik që na bashkon, e fuqizon edhe më shumë lidhjen shpirtërore e vëllazërore mes nesh, duke treguar edhe një herë si përherë, se shqiptarët janë gjithmonë bashkë, kudo ndodhen".
Kujtojmë se përballja revyale e Superkupës Kosovë - Diasporë, zhvillohet ë dielen më 17 nëntor, duke filluar në orën 14:30.
