Baldwin mohon se ka kërkuar një armë më të madhe për filmin Rust

Alec Baldwin ka mohuar që ai të ketë kërkuar një armë më të madhe Colt përpara se të qëllohej për vdekje Halyna Hutchins në xhirimet e Rust. Kështu ai është shprehur në një postim në Twitter sot, pasi sherifët e Sante Fe në New Mexico lëshuan një urdhër kërkimi për iPhone-in e tij. Aktori 63-vjeçar ka postuar në Twitter një artikull nga Newsweek i cili pretendonte se ai kishte kërkuar një armë më të madhe përpara të shtënave aksidentale. "Kjo, në fakt është një gënjeshtër. Zgjedhjet në lidhje me ndonjë rekuizit nga unë për filmin RUST u bënë disa javë para fillimit të prodhimit. Të sugjerosh se çfarëdo ndryshimi është bërë para të shtënave fatale është e rreme," shkroi Baldwin mbi lidhjen e artikullit. Urdhri i kërkimit, i kërkuar nga sherifët e Santa Fe, autorizon policinë të shqyrtojë të gjitha mesazhet me tekst dhe fotot në iPhone të aktorit, si dhe çdo të dhënë të ruajtur të vendndodhjes, si pjesë e hetimit të tyre. Baldwin u pa duke bërë një telefonatë në telefonin e tij menjëherë pas të shtënave. Detektivi, Alexandria Hancock, tha se ata kërkuan që Baldwin t'i dorëzonte telefonin, por aktori dhe avokatët e tij thanë se së pari donin një urdhër, shkruan Dailymail, transmeton Klankosova.tv. Hancock, në kërkesën për urdhër-arrest, shpjegoi në detaje atë që donte të merrte nga telefoni i Baldwin, një listë që përfshinte kontaktet e tij, regjistrimet e thirrjeve, fotot, videot dhe mesazhet me tekst. 'Affiant beson se mund të ketë prova në telefon, për shkak të individëve që përdorin telefonat celularë gjatë dhe/ose pas kryerjes së krimit. “Affiant u bë gjithashtu i vetëdijshëm se kishte disa emaile dhe mesazhe me tekst të dërguara dhe marra në lidhje me prodhimin e filmit “Rust” gjatë intervistave. Sipas urdhrit të kërkimit, Baldwin i tha policisë se kishte shkëmbyer emaile me armatoren e filmit, Hannah Gutierrez Reed, në lidhje me stilin e armës që do të përdorte në film. Ata vendosën përfundimisht për një pistoletë Colt .45. Baldwin, iu dorëzua pistoleta antike për vendin e ngjarjes dhe iu tha se ishte 'ftohtë' dhe jo e mbushur. Ai po provonte një skenë në të cilën ai nxjerr armën dhe në një intervistë për ABC më 2 dhjetor, tha se nuk e ka tërhequr kurrë këmbëzën, por gjithsesi arma i ka qëlluar.