Lajmet e fundit
Profesori, Mustaf Bajrami është shprehur se nuk do të ndodh ndonjë përshkallëzim në luftën e Lindjes së Mesme.
Kjo, pasi sipas tij nuk është në interesa të Amerikës, dhe shteteve tjera të fuqishme, njofton Klankosova.tv.
“Houthit e Jemenit vazhdimisht bombardojnë dhe sulmojnë anijet të cilat destinacion i kanë portet izraelite, (forcat ruajtëse te rendit) i sulmojnë Houthit, i bombardojnë caqet e tyre në Jemen,në Gaza vazhdimisht luftime, konflikti me Hezbollahut dhe Izraelit vazhdon. Por dua të them, megjithëse ka një pritje me një akustik të gjerë, të një lufte më gjithëpërfshirëse, përpjekjet e vendeve Perëndimore, përpjekjet e botës për të mos përshkallëzuar konflikti tani në Lindje të Mesme bëhet për dy arsye të vetme”, u shpreh Bajrami në Kosova Today.
“Një, për t’u ruajtur Izraeli nga një rrezik eventual më i madh nga një luftë gjithëpërfshirëse, dhe e dyta për t’u ruajtur interesat amerikane, Perëndimore, të vendeve të jashtme të fuqishme, të cilat interesa iu ndërlidhen shumë ngushtë aty”.
Po ashtu, profesori u shpreh se nuk ekziston mundësia për një luftë më të gjerë.
“Përndryshe, se mos kërcet ndonjë luftë, se mos do të ketë gjakderdhje, me këto mund të mashtrohen vetëm ata që nuk kanë dijeni për situatën, le të themi fëmijët”, tha Bajrami.
