Presidenti i Shqipërisë, Bajram Begaj, sot do të udhëtojë për vizitë shtetërore në Kroaci.
Këtë vizitë Begaj e zhvillon me ftesë të presidentit kroat Zoran Milanoviç, transmeton Klan Kosova.
Begaj, siç u bë e ditur në komunikatë, do të mirëpritet të enjten (27 prill) sipas ceremonive të nderit dhe të mirëseardhjes për të vijuar agjendën zyrtare të bisedimeve me presidentin kroat, duke u fokusuar te marrëdhëniet dypalëshe, bashkëpunimi rajonal, rrugëtimi evropian i Shqipërisë, si dhe zhvillimet e tjera me ndikim në çështjet e paqes dhe sigurisë.
Në kuadër të kësaj vizite shtetërore, të enjten (27 prill) Begaj do të pritet në takime të veçanta nga kryeministri i Kroacisë, Andrej Plenkoviç si dhe kryetari i Parlamentit të Kroacisë, Gordan Jandrakoviç.
Gjatë qëndrimit në Kroaci, Begaj do të zhvillojë edhe një takim me përfaqësues të shoqatave shqiptare.
“Më 28 prill 2023, nën shoqërinë e mikpritësit, Presidentit të Kroacisë Milanoviç, presidenti Begaj do të vizitojë e takohet me arbanasit e Zarës (Zadarit), aktivitetet që shënon Vizita shtetërore e presidentit Begaj dhe e delegacionit që e shoqëron, mbyllet, ditën e premte, më 28 prill 2023”.
Rrini të informuar mbi zhvillimet kryesore duke u bërë pjesë e komunitetit tonë në Viber
BONUS: Merreni aplikacionin tonë në
Android dhe
iO
klankosova.tv
