Kryeministri Albin Kurti, përpara se të vinte në pushtet, thoshte se me të në krye të qeverisë, rryma do të lirohej.
Pos kësaj, ai thoshte se qytetarët e Kosovës po flenë mbi energji elektrike, njofton Klankosova.tv.
''Nuk mund ta kuantifikoj sot, por ne do ta synojmë uljen e energjisë elektrike, sepse tepër shtrenjtë kur rrimë mbi gjithë këtë energjie që e kemi, shumë kemi kapacitet'', thoshte Kurti me mburrje në një paraqitje televizive.
E, me Kurtin kryeministër, çmimi i faturave të energjisë u rrit për disa herë, gjë për të cilën përveç qytetarëve të cilët u ndien të mashtruar nga Kurti, ishte edhe deputeti i tij, Mefail Bajqinovci, i cili në Klan Kosova duke u munduar ta arsyetoj shefin e tij thoshte hapur ''përveç rrymës, çka ka mashtru?''.
“Çfarë mashtrimi, ma thoni një premtim të Kurtit, përveç rrymës çka ka mashtru, cili është mashtrimi?'', tha Bajqinovci.
Kësisoj, rezulton se as bashkëpartiakët e tij, nuk e mbronin dot kryeministrin Albin Kurti për premtimet e parealizuara dhe mashtrimin në raport me rrymën e shtrenjtë në Republikën e Kosovës.
https://www.youtube.com/watch?v=5QjIKZ8wK0I
●●●
BSHKRIMI NGA
BM
Editorial nga Klan Kosova — ndjek lajme dhe zhvillimet e tjera kryesore të vendit.
