Autoritetet rumune mohojnë se kutia e picës çoi në arrestimin e Andrew Tate

Autoritetet rumune po mohojnë një histori virale që është përhapur në mediat sociale pas arrestimit të figurës së diskutueshme mediatike, Andrew Tate. Personaliteti 36-vjeçar i mediave sociale u arrestua në Rumani të enjten (29 dhjetor), një ditë pas përplasjes së tij në Twitter me aktivisten Greta Thunberg. U pretendua se Andrew u arrestua pasi autoritetet zbuluan vendndodhjen e tij falë kutisë së picës që shihet në një video që ai postoi në përgjigje ndaj Gretës. Teksa do të kishte qenë fantastike që aktivistja e re të ishte përgjegjëse për “rrëzimin” e tij, fatkeqësisht nuk është e vërtetë. "Qesharake, por jo," tha një zëdhënës i DIICOT për Associated Press, transmeton Klan Kosova. Bastisja e shtëpive të Tate thuhet se rrjedh nga një hetim për dy vajza të zhdukura dhe u organizua nga Drejtoria për Hetimin e Krimit të Organizuar dhe Terrorizmit në Bukuresht. Pesë shtëpi u bastisën nga autoritetet dhe katër të dyshuar, duke përfshirë Tate dhe vëllanë e tij që u "arrestuan me akuzën se ishin pjesë e një grupi të krimit të organizuar, trafikim njerëzor dhe përdhunim", raporton AP. BBC raporton se Tate po mbahet në një "qendër paraburgimi" dhe një gjykatë rumune ka rënë dakord me një kërkesë nga policia për ta mbajtur atë për 30 ditë. Avokati i tij thotë se Tate po e shfrytëzon të drejtën e tij për heshtje.