Australi: Masat pas Bondit përballen me akuza për shënjestrim të zërave pro-palestinezë

Ligjet e reja për gjuhën e urrejtjes në Australi po kritikohen nga organizatat e të drejtave të njeriut, të cilat paralajmërojnë se ato mund të kufizojnë lirinë e shprehjes dhe protestat pro-palestineze. Masat u miratuan pas sulmit vdekjeprurës në Bondi, ndërsa parashikojnë dënime deri në dy vjet burg për slogane të ndaluara si “Nga lumi në det”. Ekspertët ligjorë thonë se formulimet e paqarta mund të përdoren për të ndëshkuar kritikat ndaj Izraelit dhe aktivizmin paqësor, transmeton Klankosova.tv. Ndërkohë, protestat në Sydney gjatë vizitës së presidentit izraelit Isac Herzog u përballën me ndërhyrje të ashpër policore, duke rritur shqetësimet për përdorim të tepruar force. Qeveria mbron ligjet si të domosdoshme për luftimin e antisemitizmit, por kritikët thonë se ato favorizojnë një komunitet dhe rrezikojnë të cenojnë të drejtat civile në vend.