Audi nuk do të prodhojë më TT dhe R8

Prodhuesi gjigant i automjeteve luksoze ka njoftuar ndalimin e prodhimit të dy modeleve të veturave. Audi ka vendosur të ndal prodhimin e serive TT dhe R8. Sipas drejtorit ekzekutiv Bram Schot, për arsye që të investojë 14 miliardë euro në automjetet elektrike. Arsyeja e tërheqjes është sepse kompania prestigjioze ka njoftuar ardhjen e një modeli të ri luksoz të flamurtarit të kompanisë “Audi A8”. Pas hedhjes në treg të modeleve të reja, disa kompani përfshirë këtu “Volkswagen”, regjistruan rënie të shitjeve dhe të të ardhurave vitin e kaluar, shkruan Autozeitung përcjellë Klan Kosova. Duke filluar nga viti 2025, “Audi” synon të ketë 10 modele hibride dhe 20 modele krejtësisht elektrike në treg.