ASISTI 495 sjell analizën e plotë të ndeshjeve gjysmëfinale në playoffin e Artmotion Superligës dhe NBA

Këtë të hënë, duke nisur nga ora 21:00, në Sport 1 dhe pasmesnate në Klan Kosova, java nis me premierën e 495-të të emisionit të vetëm ekskluziv kushtuar basketbollit në vendin tonë, Asistit. Faza e playoffit ka nisur në të gjitha garat botërore të basketbollit, duke nisur nga vendi ynë, aty ku Golden Eagle Ylli ka siguruar kualifikimin në finale, por po presin të mësojnë se kundër kujt do të mbrojnë titullin, pasi seria tjetër mes Pejës dhe Trepçës po vazhdon me duele fantastike dhe shumë interesante. Raportet e të gjitha ndeshjeve, duke përfshirë edhe analizat, mirëpo edhe deklaratat e protagonistëve, vijnë ekskluzivisht në ASIST.

• Si ndodhi që Golden Eagle Ylli të fitojë tri ndeshje rresht dhe të eliminojë Sigal Prishtinën lehtësisht nga playoffi?
• Cili ishte momenti kyç në fitoren e Trepçës në duelin e dytë përballë Pejës dhe si ndodhi që pejanët të revanshoheshin në ndeshjen e tretë të serisë?
• Çfarë thanë drejtorët sportivë të Trepçës dhe Pejës pas incidentit që ndodhi në “Karagaq” mes tifozërive të të dyja skuadrave?
• Kush ishin 5-shja dhe MVP nga ndeshjet e dyta dhe të treta gjysmëfinale?

Normalisht si në çdo ASIST tjetër, edhe këtë herë, nuk mungon as blloku i veçantë “Shqiptarët në Botë”, ku do të njoftoheni mbi performancat fantastike të Edon Maxhunit, të cilat i siguruan skuadrës së “Heroes Den Bosch” kalimin në finalet e ligës kombëtare holandeze, teksa trajneri i ekipit tha se Maxhuni është lider i skuadrës dhe meriton të luajë në Euroligë. Krejt në fund fluturimin basketbollistik të Asistit 494 e zhvendosim në palestrat ndërkombëtare, ku po zhvillohet faza playoff në ABA dhe Euroligë teksa në ligën më të fortë të basketbollit në botë, NBA, tashmë dihen katër skuadrat finaliste të konferencave që do të luftojnë për titullin kampion të këtij edicioni.

• Kush ishte lojtari vendimtar në triumfin e Bostonit përballë Milwaukee?
• Çfarë ndodhi në afërsi të palestrës Fiserv Forum pas ndeshjes së gjashtë?
• Cili është rekordi që ka thyer Steph Curry dhe kush u shpall MVP?

Këto dhe shumë të tjera në premierën e episodit të 494-të në ASIST, mos i humbisni!