Asensio: Espanyoli, klub i madh

Huazimi i Marco Asensios tek Espanyol u bë zyrtar të enjten gjatë ditës, ndërsa futbollisti pritet që të prezantohet tek skuadra e re gjatë ditës së premte.

Pas shumë përpjekjesh klubi katalan arriti marrëveshje me ‘Los Blancos’ për të siguruar shërbimet e mesfushorit të talentuar të cilin e kishin përcjellë me muaj.

Edhe lojtari u shpreh i kënaqur me huazimin, pasi e sheh si një vend ideal për t’u zhvilluar.

“Shumë klube më kanë kërkuar, por Espanyol është klub ideal për t’u zhvilluar. Dua që të përshtatem shpejtë. Është viti im i parë në këtë nivel dhe shpresoj se të gjithë do të jenë të kënaqur me mua. Do të punoj shumë”.

Asensio është lojtar i akademisë së Mallorcas që vitin e shkuar nënshkroi me Real Madridin.