Ilir Zuka, administrator i Pozheranit, asamblist i LDK-së në Viti, konfirmon për Klan Kosova se është sulmuar nga, siç thotë, militantë të Lëvizjes Vetëvendosje, me qëllim të tjetërsimit të rezultatit zgjedhor në këtë fshat të Vitisë.
Ai tha se ishte afër qendrës së votimit për të shoqëruar, sipas tij, delegacionin e Misionit Evropian të Vëzhgimit, kur në rrugë është sulmuar pa provokuar situatën nga dy persona, dhe thotë se falë intervenimit të shpejtë të policisë, është evituar më e keqja, raporton Klankosova.tv.
Pasi ka pranuar ndihmën e parë në Spitalin e Gjilanit, ai tani është liruar për në shtëpi.
Policia e Kosovës, në një prononcim për Klankosova.tv, ka thënë se dy persona janë intervistuar për këtë rast e më pas janë liruar në procedurë të rregullt.
Ismet Hashani, zëdhënës i PK-së për Rajonin e Gjilanit, tha se incidenti nuk ndërlidhet me zgjedhjet, por për një vend-parkim makinash. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
