As thirrjet antishqiptare nuk e ndalin festivalin "Mirëdita, Dobar Dan"në Beograd

Me performarcën e aktorit kosovar, Alban Ukaj e ka hapur mbrëmë festivalin "Mirëdita, Dobar Dan!" në Qendrën Rinore të Beogradit, pavarësisht protestave të pjesëtarëve të organizatës djathtiste serbe “Zavjetnici”të cilët thërrisnin "Kosova është zemra e Serbisë". "Mirëdita, Dobar Dan" është festival vjetor ku bëhet  prezantimi tradicional i skenës kulturore dhe sociale të Kosovës në Beograd, i cili mbahet për herë të katërt. Hapja e festivalit u parapri nga protesta e reth 20 anëtarëve  të "Zavjetnici" që para Pallatit të Rinisë në Beograd shfaqën fotografitë e komandantëve të Ushtrisë Çlirimtare të Kosovës, transmeton Klan Kosova. Milica Gjurgjeviq  nga kjo organizatë, tha se janë atje për të  shprehur pakënaqësinë me hapjen e festivalit për siç tha ajo pas "pretendimeve të reja për Shqipërinë e Madhe" Kushtrim Koliqi , drejtor i Organizatës "Integra" nga Prishtina e cila është bashkëorganizatore e festivalit, tha se pavarësisht sfidave dhe problemeve të ndryshme ndihet i lumtur që ky festival është shndërruar në një ngjarje tradicionale. Ndërkaq, Anita Mitiq, drejtoreshë e Nismës së të Rinjve për të Drejtat e Njeriut tha se organizatorët kanë bërë gjithçka që mysafirët nga Kosova të kenë kujtime nga Beogradi. "Shpresa jonë është që këtu të ndjeheni mirë dhe sigurt. Është e rëndësishme për t`iu  siguruar hapësirë ​​artistëve të Kosovës për të prezantuar veten para  audiencës së Beogradit. Ne kemi nevojë për të krijuar një hapësirë ​​që politikanët kanë dështuar ta bëjnë , theksoi ajo, raportojnë mediat serbe, përcjellë Klan Kosova Në këtë festival do të marrë pjesë të premten edhe ish-presidentja e Kosovës, Atifete Jahjaga. Ish-shefja e shtetit do të mbajë fjalim të premten në promovimin e librit “Dua të më dëgjojnë – Librin e kujtimeve me rrëfimet e grave që i kanë mbijetuar përdhunimit në luftën e fundit në Kosovë ", transmeton Klan Kosova