Arzana Krajës nesër i jepet lamtumira e fundit në varrezat e Dragodanit

Regjisores Arzana Kraja e cila sot në rrethana ende të paqarta u gjet pa shenja jete në lagjen Kalabria, do t’i jepet nesër lamtumira e fundit në varrezat e Dragodanit në Prishtinë. Siç bënë të ditur Gresa Kraja, motra e të ndjerës, varrimi i Arzanës do të bëhet në orën 14:00. ''Me pikëllim dhe zemër të thyer ju njoftojmë për ndarjen nga jeta të vajzës dhe motrës tonë të dashur Arzana Kraja. Varrimi i saj bëhet të enjten te varrezat e Dragodanit në Prishtinë në orën 14:00. Dyert e familjes do të jenë të hapura në lagjen Ulpiana D9, pranë klinikës “Fati im”'', përfundon njoftimin mortor Gresa Kraja, motra e së ndjerës.