Artisti Jakup Ferri përzgjidhet për “Art Explora” në Francë

 Artisti i njohur shqiptar Jakup Ferri është përzgjedhur në “Art Explora – Cité internationale des arts” në kryeqytetin francez, Paris. Lidhur me këtë përzgjedhje artisti Ferri është shprehur i nderuar, për këtë mundësi sipas tij të jashtëzakonshme. “Jam thellësisht i nderuar që jam përzgjedhur për një rezidencë tre-mujore në Art Explora në Paris, në mars, prill dhe maj. I shpreh mirënjohjen time të sinqertë komitetit përzgjedhës të Art Explora dhe që më dha këtë mundësi të jashtëzakonshme”, është shprehur artisti Ferri përmes një shkrimi në rrjetin social Facebook, transmeton Klankosova.tv. Jakup Ferri ka përfaqësuar Kosovën në edicionin e 59-të të Bienales së Artit në Venedik, në vitin 2022.