Arti i rrugëve që shfaqet vetëm në lagështi e shi

Në Seul të Koresë Jugore  vite më parë është zhvilluar një projekt i quajtur Project Monsoon. Monsoon-i është një periudhë në jugperëndim dhe jug të Azisë që karakterizohet me shira dhe erëra. Ndërkaq, ky projekt përfshin murale të rrugëve të cilat shfaqen posa të bie shi apo me t'u lagur rrugët. Pra, kur asfalti është i tharë apo i terur, këto punime artistike nuk shihen por vijnë në jetë me të rënë shi. Edhe fryma e këtyre pikturave, sipas autorëve, vë në theks rëndësinë e rrjedhës së lumenjve, dhe shfrytëzon tiparet topografike të Koresë për të krijuar pellgje apo rrjedha të ujit që vjen nga shiu duke i shndërruar rrugët në një larushi ngjyrash. Ato pikturohen me ngjyrë hidrokromike, pigmenti i së cilës  kur bie në kontakt me ujin shndërrohet nga e tejdukshme në të patejdukshme Kur është vetëm duke riguar, nuk mund t'i shijosh këto vepra arti për arsye se duken vetëm njolla nëpër rrugë, mirëpo kur ka rrebesh, atëherë mund t'i shohim këto piktura në tërësi. Më parë ka qenë edhe projekti Rainw orks nga artisti prej Seattle, Peregrine Church që ka sjellë një art të tillë në rrugët e këtij qyteti që njihet nga shiu i shpeshtë që bie aty.