Artemis II drejt kthimit në Tokë, astrofizikanti paralajmëron rreziqet e fazës finale (VIDEO)

Misioni “Artemis II” po i afrohet përfundimit, ndërsa ekuipazhi i astronautëve është në rrugë kthimi drejt Tokës pas një udhëtimi historik rreth Hënës. Anija kozmike u nis më 1 prill 2026 nga Qendra Hapësinore Kennedy, duke shënuar një etapë të rëndësishme në programin e ri të eksplorimit hënor. Lidhur me misionin, në emisionin “Ora 7” ka folur astrofizikanti Klaudio Peqini, i cili ka theksuar se faza e kthimit është një nga më të ndërlikuarat dhe më të rrezikshmet e misionit. Ai u shpreh se jo çdo sistem funksionon gjithmonë sipas pritshmërive dhe se kjo fazë kërkon studim të veçantë, pasi kthimi në Tokë mbetet pjesa më delikate e misioneve hapësinore. “Jo çdo gjë që mendojmë se funksionon siç duhet, në realitet funksionon ashtu siç e presim… Prandaj kjo është një fazë jo vetëm e rrezikshme, por edhe shumë e rëndësishme për t’u studiuar, sepse edhe pse udhëtimi drejt Hënës është i mundur, rreziku më i madh mbetet në kthim, ku synohet që njerëzit dhe pajisjet të kthehen në gjendje të padëmtuar", tha ai. Ndiqni detajet e plota: https://youtu.be/CaepUgnD7IU