Lajmet e fundit
LAJMI I FUNDIT: Artan Hajrizi dyshohet se ia ka dërguar me postë pasaportën Fatonit
Mbrëmë pas mesnatës, raportohet se një polic është vrarë dhe një tjetër është plagosur në Loznicë të Serbisë.
I dyshuar për këtë rast fillimisht ishte shtetasi i Kosovës Artan Hajrizi, pasi në vend të ngjarjes u gjet pasaporta e tij.
Mirëpo, më vonë u kuptua se Artani ishte në Gjermani dhe se pasaportën e tij e kishte në pronësi Fatoni, vëllai i tij.
Për Kosova Today në Klan Kosova, Artani tha se Fatoni ia ka vjedhur pasaportën kur ka qenë në vizitë te ai pas arratisjes nga burgu i Smrekonicës rreth dy javë më parë.
Mirëpo, Klan Kosova ka mësuar nga burimet se në fakt, Fatoni pasaportën e vëllait të tij e ka pranuar me postë, dhe jo siç ka deklaruar Artani se dokumentet personale i janë vjedhur nga vëllai.
Njëjtë është shprehur edhe babai i Artanit dhe Fatonit, Mustafë Hajrizi. Për “Nacionale”, ai e ka dhënë versionin e Artanit se Fatoni ia ka vjedhur pasaportën atij. /Klankosova.tv
15:10 - Faton Hajrizi dyshohet se e kreu vrasjen me armën zyrtare të policit
Mbrëmë pas mesnatës, një polic është vrarë dhe një tjetër është plagosur në Loznicë të Serbisë.
I dyshuar për këtë rast tashmë është Faton Hajrizi, i cili është arratisur para rreth 2 javësh nga burgu i Smrekonicës.
Siç ka mësuar Klan Kosova, Hajrizi veprën penale dyshohet se e ka kryer me armën zyrtare të policit serb.
Rasti dyshohet se ka ndodhur derisa një patrullë policore e ka ndalur një veturë taksi tip Mercedes.
Kur policët i kanë kërkuar të dyshuarit që të identifikohet, aty ka filluar gjithçka.
I dyshuari ka dalë nga vetura, ka pasur një përleshje mes tij dhe policëve, me ç’rast Faton Hajrizi ka arritur t’ia marrë armën zyrtare policit me të cilën edhe dyshohet se e ka kryer veprën penale.
Fillimisht, i dyshuar për këtë vepër ishte Artan Hajrizi, vëllai i Fatonit. Mirëpo, më pas Artani u lajmërua direkt në telefon në Kosova Today në Klan Kosova, duke treguar se gjendet në Gjermani dhe se Fatoni ia ka vjedhur dokumentet e tij personale. /Klankosova.tv
14:20 - Vrasja e policit në Serbi: Mediat në Bosnje raportojnë për një të arrestuar në lidhje me rastin
Radio Televizioni i Republika Sërpskas (RTRS) ka njoftuar se jozyrtarisht ka mësuar se në qytetin Bijelinë, Republika Sërpska, BeH, sot është arrestuar një person lidhur me të dyshuarin për vrasjen e njërit dhe plagosjen e një polici tjetër në Loznicë, të Serbisë.
Autoritetet serbe, përgjegjës për këtë vrasje e kanë bërë shtetasin kosovar, Artan Hajrizi, pasi thonë se në vend të ngjarjes është gjetur një pasaportë e Kosovës me emrin e tij.
Është raportuar se i dyshuari Artan Hajrizi ka qenë duke udhëtuar me një taksi, i vetëm me shoferin, mirëpo informacionet e fundit thonë se në fakt, në veturë ka qenë vëllai i tij, Fatoni.
Këtë e ka konfirmuar edhe vetë Artani në një lidhje direkte nga Gjermani për emisionin Kosova Today në Klan Kosova.
Ai ka thënë se gjatë tërë kësaj kohe ka qenë në Gjermani, dhe se vëllai i tij, pas arratisjes nga burgu i Smrekonicës, e ka vizituar atë në Gjermani.
Aty, Artani thotë se Fatoni ia ka vjedhur kuletën me dokumentet personale. /Klankosova.tv
13:28 - Vrasja e policit në Serbi, flet Artan Hajrizi: Fatoni m’i vodhi dokumentet, ai nuk ishte hiç në Kosovë (VIDEO)
Vrasja e një polici serb e cila dyshohet të jetë kryer nga i arratisuri nga burgu, Faton Hajrizi, ka ngjallur shqetësim në opinionin publik.
Lidhur me këtë rast, vëllai i Faton Hajrizi, Artani ka folur ekskluzivisht për emisionin “Kosova today”, pasi sipas raportimeve, i dyshuari ia ka vjedhur dokumentet gjermane vëllait.
Artan Hajrizi tha se nuk ka qenë i përfshirë, dhe se nuk ka të bëjë me këtë rast. Ai tregoi për “Kosova today” se ka shkuar në stacionin policor në Gjermani për t’i paraqitur dokumentet e humbura, njofton Klankosova.tv.
[caption id="attachment_2346244" align="alignnone" width="849"]
Artan Hajrizi flet direkt në telefon me Kosova Today[/caption]
“Nuk jam pjesë e këtij rasti. Kam ardhur t’i lajmëroj dokumentet. Ka qenë dy ditë nëpër Gjermani, më ka takuar. Ka ardh dy orë ka nejt te unë, e kam pas kuletën në tavolinë, i ka marr. Më 16 korrik ka qenë te unë. Në të zezën ka ardh. Nuk e di për çfarë arsye u kthye në Serbi. Ai ka qenë në Itali, Slloveni, Kroaci, non stop ka qenë duke qarkulluar, në Kosovë nuk ka qenë hiç”, tha Artani.
Ai tutje tha se Fatoni nuk ka qenë personi i cili ka folur mbrëmë në emisionin e Ermal Pandurit. Sipas tij, në telefon ka qenë një shok i Fatonit.
“Unë s’jam fajtor, s’kam qenë atje. Kam dëshmitarë që kam qenë në punë krejt javën. Nuk kam të bëj me ato punë. I tha vëlla kthehu, dorëzohu, të ndihmoj me avokat. Tha nuk kthehem i gjallë. Nuk ka qenë Fatoni në emision, një shok i tij. Mua më ka thënë fol me të, i kam thënë nuk foli. Ka fol një shok i tij me telefonin tim dje. Jemi takuar në rrugë, i ka thënë fol kështu. Kontakti im i fundit me të ka qenë kur ishte këtu. Familja nuk ka asnjë të dhënë. Që dy ditë i kam humbur kontaktet. Nuk jam përzier kurrë me të”, tha më tej Artani, njofton Klankosova.tv.
12:45 - Vrasja e policit në Serbi: Taksisti që e voziti Hajrizin jep versionin e tij para organeve të rendit
Në Loznicë të Serbisë është një gjendje e rrethimit pasi mbrëmë raportohet të jetë vrarë një polic dhe një tjetër të jetë plagosur.
Autoritetet serbe, përgjegjës për këtë vrasje e kanë bërë shtetasin kosovar, Artan Hajrizi, pasi thotnë se në vend të ngjarjes është gjetur një pasaportë e Kosovës me emrin e tij.
Raportohet se i dyshuari Artan Hajrizi ka qenë duke udhëtuar me një taksi, i vetëm me shoferin, mirëpo informacionet e fundit thonë se në fakt, në veturë ka qenë vëllai i tij, Fatoni.
Babai i Artan dhe Faton Hajrizit, për “Nacionale” ka thënë se Fatoni ia ka vjedhë pasaportën Artanit në Gjermani.
Ai potencoi se Artani është duke punuar në Gjermani, dhe se këtë vepër, sipas tij, e ka bërë Fatoni.
Media serbe “Novosti” nga persona të afërt me hetimin, ka raportuar se taksisti nga Tutini, Serbi, i ka marrë nga i dyshuari 450 euro për ta transportuar atë për në Loznicë.
Sipas taksistit, marrëveshja ka qenë gjoja për ta çuar atë në një hotel në pronësi të, siç tha taksisti i arrestuar, Marko Markoviq.
Megjithatë, mediat serbe raportojnë se një hotel i tillë nuk ekziston.
Sipas “Novosti”, Policia e ka pyetur taksistin, “a nuk ishte e dyshimtë se kë dhe ku po e çoje”, për të cilën ai nuk u përgjigj saktë dhe qartë.
Po ashtu, thuhet se ai po e transportonte një shqiptar të shpallur në kërkim dhe i cili donte të kalonte në Bosnje dhe Hercegovinë.
Sipas mediave serbe, pas ndalimit nga policia kufitare, i dyshuari ka deklaruar se ishte nisur për të vizituar një shok në Loznicë dhe pasi pjesëtarët e Policisë i kërkuan që t'u tregonte çantën që mbante, ai ka hapur zjarr ndaj tyre, duke lënë një të vrarë dhe një të plagosur. /Klankosova.tv
12:20 - Vrasja e policit në Serbi: I dyshuari është Faton Hajrizi që ka udhëtuar me pasaportë të Artanit
Mbrëmë, pak pas mesnatës, në Loznicë të Serbisë raportohet të jetë vrarë një polic dhe një tjetër të jetë plagosur.
Autoritetet serbe kanë raportuar se i dyshuar për këtë vepër penale është Artan Hajrizi, shtetas i Kosovës, pasi në vend të ngjarjes thuhet se është gjetur një pasaportë e Republikës së Kosovës me emrin e tij.
[caption id="attachment_2346109" align="alignnone" width="640"]
Artan dhe Fatin Hajrizi[/caption]
Artan Hajrizi është vëllai i Faton Hajrizit, i cili më 6 korrik u arratis nga burgu i Smrekonicës.
Fillimisht u raportua se i dyshuari Artan Hajrizi ka qenë duke udhëtuar me një veturë tip Mercedes, taksi, bashkë me një person të dytë, i cili u tha se ka qenë Fatoni, vëllai i tij.
Mirëpo Klan Kosova tani mëson se në veturë nuk ka qenë fare Artani, por vetëm Fatoni, me pasaportë të Artanit.
Me Fatonin ka qenë vetëm shoferi i taksisë i cili, sipas mediave serbe, është ndaluar nga Prokuroria Themelore Publike në Loznicë “nën dyshimin se ka kryer veprën penale të kalimit të paligjshëm të kufirit dhe kontrabandës me njerëz”, kanë thënë për “Tanjug” nga Prokuroria e Lartë Publike në Shabac.
Mustafë Hajrizi, babai i Artan e Faton Hajrizit, ka folur për Nacionalen ku ka thënë se ky i pari nuk ndodhet në Kosovë por është në Gjermani.
Ai ka thënë se Faton Hajrazi ia ka marrë pasaportën vëllait të tij, Artanit, e cila nga autoritet serbe po pretendohet se është gjetur në Loznicë të Serbisë, ku u vra një polic serb.
“Fatoni i ka bërë ato punë, pasaportën e tij (Artanit) ia ka marrë, u shku në Gjermani atje ia ka marrë. Unë jam babai i tij”, ka thënë ai fillimisht.
I pyetur se si është marrë kjo pasaportë, Mustafë Hajrizi deklaron se nuk kanë informacione rreth kësaj.
Ai është shprehur se i biri Artani, është në Gjermani duke punuar.
11:15 - Kurti kërkon të mos politizohet rasti i vrasjes së policit në Serbi
Kryeministri Albin Kurti është deklaruar në lidhje me rastin e raportuar për vrasjen e një polici dhe plagosjen e një tjetri në lokacionin Loznicë të Serbisë.
Sipas ministri serb të punëve të brendshme, Ivica Daçiq, në vend të ngjarjes është gjetur një pasaportë e Kosovës me emrin Artan Hajrizi.
Kurti, në konferencën e sotme për media, kërkoi që të mos politizohet ky rast.
“Kemi pranuar edhe ne informata sikurse edhe ju sepse kjo vrasje ka ndodhur në Serbi, që do të thotë se burim informacioni ka qenë Serbia. Tani, organet tona kompetente, Ministra e Brendshme, e Jashtme, policia jonë do të njoftojnë opinionin, edhe juve edhe mua, për situatën aktuale”.
“Edhe unë jam duke pritur dhe do të pres derisa ata të japin deklaratat e tyre profesionale, sepse edhe ne mendojmë që kjo gjë nuk duhet të politizohet, por të trajtohet si e tillë edhe nga aspekti i sigurisë, edhe nga këndi profesional dhe ligjor”, u shpreh Kurti.
Klan Kosova mëson se në veturë bashkë me Artan Hajrizin, ka qenë edhe i arratisuri i para pak ditëve më parë nga burgu i Smrekonicës, Faton Hajrizi. /Klankosova.tv
Vrasja e policit në Serbi: Në veturë dyshohet se ishte edhe i arratisuri, Faton Hajrizi
Në orët e para të mëngjesit të sotëm, në vendin e quajtur Lloznicë të Serbisë, raportohet të jetë vrarë një polic dhe një tjetër është plagosur me armë zjarri.
Sipas deklarimeve të ministrit të Brendshëm të Serbisë, Ivica Daçiq, në vend të ngjarjes është gjetur një pasaportë e Kosovës me emrin Artan Hajrizi (1990), raporton Klankosova.tv.
Daçiqi tha se rasti ka ndodhur pasi policia ka ndaluar një veturë tip “Mercedes” me targa të Tutinit, Serbi, në të cilën tha se ndodheshin dy persona.
Ndërkaq, sipas informatave të Klan Kosova nga organet e drejtësisë, në veturë dyshohet të ketë qenë edhe Faton Hajrizi, i arratisur më 6 korrik nga burgu i Smrekonicës.
Sipas informatave të televizionit, Artani dhe Fatoni janë vëllezër.
“Mbrëmë, rreth orës 00.55 në Lloznicë, gjatë kontrollit të automjetit në pikën e kontrollit në Lipniçki Shor, policët e stacionit policor kufitar Tërbushnica kanë ndaluar një Mercedes me targa të Tutinës, në të cilin ndodheshin dy persona”.
“Kur ka dalë nga vetura, një person ka qëlluar me pistoletë, duke e goditur policin Nikolla Kërsmanoviq (1990) në gjoks dhe policin Vjekoslav Iliq (1974) në shpatull, pas së cilës vepër ka ikur”.
“Të dy policët u transportuan në Spitalin e Përgjithshëm të Lloznicës, ku Kërsmanoviq iu nënshtrua plagëve të marra”, tha Daçiqi, sipas mediave serbe.
“Policia në vend ka gjetur pasaportën e të dyshuarit të lëshuar nga institucionet e përkohshme të të ashtuquajturës Kosovë në emër të Artan Hajziri (1991) dhe një letërnjoftim gjerman”, ka shtuar Daçiqi.
Media serbe N1 raporton se forca të shumta policore kanë nisur një aksion për kapjen e të dyshuarve.
