Arsyet pse duhet ta bëni dasmën në dimër

Ndonëse vera njihet si “sezoni i martesave” një ceremoni në dimër është po aq përrallore (për të mos thënë më shumë) në muajt e ftohtë të vitit. Bëni një tabelë me të mirat dhe të metat që mund të ketë një dasmë gjatë muajve nëntor-shkurt dhe më pas zgjidhni çfarë është më e mira për ju. Po planifikoni edhe për dhjetëra persona të tjerë, kështu që kini parasysh të ftuarit kur të merrni vendimin tuaj. Të mirat: 1. Atmosfera intime që të dhuron stina e ftohtë, panorama me dëborë dhe flaka e një oxhaku janë arsyet kryesore pse të martohesh në këtë kohë. 2. Vendi është më lehtë për t’u gjetur në dimër, pasi atëherë ka më pak dasma. 3. Në muajt e ftohtë, drita për xhirimet dhe fotografitë është më e mirë sesa në verë, shkruan Living.al. 5. Dasma ka më pak kosto, sepse pak çifte martohen në këtë periudhë të vitit dhe bizneset priren të ofrojnë ulje të konsiderueshme. 6. Lulet në dimër qëndrojnë të freskëta për një kohë më të gjatë, teksa në verë vyshken më shpejt - dekori është më i favorizuar. 7. Shpëtoni nga djersitja, problem jo vetëm për çiftin dhe nusen, së cilës i prishet grimi, por dhe për dasmorët që duan të kërcejnë pa u ndjerë në siklet. 8. Muaji i mjaltit bëhet më interesant; po të martohesh në verë shkon nga riviera e bukur shqiptare për një vend po me det, por është më bukur të gjesh një copëz vere brenda dimrit. 9. Ushqimi është më i mirë, ka më shumë variacion dhe për më tepër, është më i freskët. 10. Në verë mund të ketë mungesa në radhët e të ftuarve, pasi njerëzit ikin me pushime. Të metat: Në dimër bën ftohtë, ndaj duhet një veshje e përshtatshme dhe duhet të sigurohemi që kisha, bashkia apo restoranti i ceremonisë, të kenë ngrohjen e duhur. Disavantazhe të tjera janë dita e shkurtër, që nuk të lë shumë kohë në dispozicion për fotografitë. Në fund, vëmendje të veçantë kërkon zgjedhja e datës; nëse martoheni afër festave rrezikoni të humbisni ndonjë nga të ftuarit.