Arsenali gati t'i ofrojë kontratë të re Sakas

Arsenali është i vendosur që të mos e lëshojë yllin e skuadrës. Bukayo Saka, 24 vjeç, është një nga lojtarët më të rëndësishëm në klubin londinez, dhe "The Gunners" janë gati t’i ofrojnë një kontratë të re rekord për të siguruar të ardhmen e tij. Këtë verë, Arsenali ka shpenzuar tashmë në merkato, duke sjellë Viktor Gyökeres dhe Eberechi Eze. Megjithatë, zgjatja e kontratës së Sakës është tani prioriteti kryesor për drejtorin sportiv Andrea Berta. Vetë lojtari, i lidhur fort me klubin, gjithashtu dëshiron të qëndrojë në Londër. Sipas Daily Express, negociatat po ecin mirë dhe Arsenali shpreson ta bëjë atë një nga lojtarët më të paguar në historinë e tyre. Saka aktualisht ka kontratë deri në vitin 2027, por një marrëveshje e re mund të forcojë edhe më shumë rolin e tij udhëheqës në skuadër dhe të sigurojë të ardhmen e tij afatgjatë te londinezët.