Arsenali fiton derbin londinez, hap i madh në luftën për titull

Arsenali ka mposhtur Chelsean 2-1 në xhiron e 28-të të Premier Ligës. Ata shënuan të dy golat nga rivënia nga këndi, falë mbrojtësve, William Saliba, 21', dhe Jurrien Timber, 66'. Goli i vetëm i të Kaltërve u shënua sërish nga një mbrojtës i Arsenalit, Pierre Hincapie, i cili dërgoi topin në rrjetën e vet. Topçinjtë sërish kanë pesë pikë avantazh ndaj Manchester Cityt në krye të tabelës, por këta të fundit kanë një ndeshje më pak të zhvilluar.