Arsenal - Bayern Munchen 2:2

2:2 ka përfunduar loja në "Emirates". Asnjëri, as Arsenal e as Bayern Munchen nuk arritën të triumfojnë në ndeshjen e parë çerekfinale në Champions League. Ishin "Topçinjtë" që shënuan të parët përmes Bukayo Saka, në minutin e 12-të. Por, nuk vonoi shumë dhe "bavarezët" i barazuan shifrat përmes Serge Gnabry, në minutin e 18-të. Derisa epërsinë për 1:2 mysafirëve ua dha Harry Kane, në minutin e 32-të i cili realizoi nga pika e bardhë. Skuadra e Mikel Artetas, nuk qëndroi duarkryq dhe arriti që ta nxjerr një barazim nga kjo sfidë. Ishte minuti i 76-të, kur Leandro Trossard e vulosi rezultatin përfundimtar në 2:2. Kështu dyja skuadrave iu mbetet ndeshja e kthimit në "Allianz Arena", pas një jave, më 17 prill. Fituesi i këtij takimi shkon në gjysmëfinale të Championsit.