Arrestohet shtetasi i huaj në Aeroportin e Prishtinës, falsifikoi dokumentet

Një shtetas i huaj është arrestuar në Aeroportin Ndërkombëtar të Prishtinës “Adem Jashari”. Sipas Policisë së Kosovës, ai u arrestua nën dyshimin se falsifikoi dokumentet e udhëtimit, transmeton Klankosova.tv. I njëjti, me vendim të prokurorit është dërguar në mbajtje. “Është arrestuar i dyshuari mashkull shtetas i huaj, nën dyshimin se kishte falsifikuar dokumentet e udhëtimit. Me vendim të prokurorit i dyshuari është dërguar në mbajtje”, thuhet në njoftimin e policisë.