Arrestohet shqiptari në Angli, u zu duke trafikuar para për në Shqipëri

Katër anëtarë të dyshuar të një grupi kriminal të trafikimit të parave nga Anglia drejt Shqipërisë janë arrestuar nga autoritetet britanike. Të dyshuarit u arrestuan më 13 prill në një seri bastisjesh të koordinuara që filluan me arrestimin e një shtetasi shqiptar 48-vjeçar në Dover, raporton Top Channel, transmeton Klankosova.tv. Përafërsisht 200 mijë paund u sekuestruan në automjetin e tij, i cili ishte rrugës për në Shqipëri. Dy persona të tjerë, të moshës 34 dhe 22 vjeç, dhe një djalë 17-vjeçar u arrestuan në adresat në Tottenham Hale, Londër, me rreth 150 mijë paund në automjetin e tyre. Arrestimet vijnë pas një hetimi dy vjeçar.