Lajmet e fundit
Inspektorati Policor i Kosovës respektivisht hetuesit e Departamentit të Hetimeve, ka arrestuar sot në flagrancë një zyrtar policor me dyshimin se i njëjti ka kryer veprën penale “Ushtrim i ndikimit” dhe marrje e ryshfetit.
Arrestimi i të dyshuarit është kryer nga hetuesit sot në mbrëmje në një lokal në Pejë, transmeton Klankosova.tv.
“Bazuar në veprimet hetimore që janë ndërmarrë deri më tani, zyrtari policor me qellim që të përfitoj dobi pasurore për vete ose për personin tjetër, ka kërkuar shumën prej 800 € (tetëqind eurove) nga një qytetar që të njëjtit ti siguroj kalimin e provimin për patentë shofer për kategorinë " B" në mënyrë të kundërligjshme”, thuhet në komunikatën e IPK-së.
Të dyshuarit i është caktuar masa e ndalimit për 48 orë kurse IPK ka dhënë edhe rekomandimin për suspendimin e tij.
