Arrestohet njëri nga të dyshuarit që ia vodhi çantën dhe tri unaza një gruaje në Pejë

Është arrestuar njëri nga tre të dyshuarit që ia vodhën çantën dhe tri unaza një gruaje në oborrin e Spitalit Rajonal të Pejës.

Policia njofton se dy të dyshuarit e tjerë momentalisht gjenden në arrati, përcjell Klankosova.tv.

“Me datën 19.09.2022, viktima femër kosovare ka ardhur nё Stacionin Policor Pejё, e cila ka deklaruar se me datёn 18.09.2022, rreth orёs 20:00, nё rrugën “Nëna Terezë” ( nё oborrin e Spitalit Rajonal nё Pejё) tre (3) persona tё dyshuar me forcë ia kanë marrё çantën nga krahu, gjithashtu edhe tri (3) unaza nga dora e viktimёs. Tё dyshuarit janё larguar nё drejtim tё panjohur. Pas njё pune intensive nga Hetuesit e Staconit Policor Pejё, me datёn 21.09.2022, kanё arritur ta indetifikojnё dhe ta arrestojnё njërin nga tё dyshuarit, ndёrsa dy të dyshuarit tjerё momentalisht gjenden nё arrati”, thuhet në njoftimin e policisë.

Tutje, policia bën të ditur se I dyshuari pas intervistimit  me vendim të Prokurorit të Shtetit ёshtё ndaluar për 48 orë.

https://klankosova.tv/gruas-i-vidhen-tri-unaza-dhe-canta-ne-oborrin-e-spitalit-te-pejes/