Arrestohet një police e Shqipërisë, e goditi një këmbësor, i cili vdiq në spital

Një zyrtare policore në Shqipëri e ka goditur një këmbësor në aksin rrugor Laç-Autostradë, derisa ishte jashtë orarit të punës. Në njoftimin e Policisë së Shtetit thuhet se këmbësori ishte transportuar në Spitalin e Traumës Tiranë për asistencë mjekësore më të specializuar, por ka vdekur në spital. "Grupi hetimor dhe specialistët e AMP (rajoni Lezhë-Shkodër), kanë kryer të gjitha veprimet në vendin e ngjarjes si dhe drejtuesja e mjetit është shoqëruar dhe arrestuar për veprën penale  "Shkelja e rregullave të qarkullimit rrugor", parashikuar nga neni 290/3 i Kodit Penal". "Materialet procedurale do të referohen në Prokurorinë pranë Gjykatës Shkallës së Parë të Juridiksionit të Përgjithshëm Lezhë për veprime të mëtejshme", thuhet në njoftim. /Klankosova.tv