Në fshatin Jezercë të Ferizajt, mbrëmjen e së shtunës tek vendi i quajtur " Derman", policia ka zënë në flagrancë një person, i cili kishte prerë drunj në malet e Jezercit, pronë e shtetit.
Policia i ka marrë veprimet e nevojshme, e ka shoqëruar në stacionin e policisë personin L.H, ndërsa ka konfiskuar traktorin me rimorkio, si dhe motosharrën, përcjell Klankosova.tv.
Në lidhje me këtë janë njoftuar edhe zyrtarët e pyjeve, të cilët kanë dalë në vendin e ngjarjes dhe kanë konfiskuar sasinë e drunjve.
I dyshuari pasi është intervistuar nga policët hetues, me vendim të prokurorit të shtetit është ndaluar në mbajtje për 48 orë, për procedura tjera hetimore.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
