Një person është arrestuar në Leposaviq pasi të njëjtit në shtëpinë e tij i janë gjetur dhe konfiskuar armë zjarri, municion, uniforma dhe pajisje të tjera ushtarake.
Policia e Kosovës në raportin 24 orësh bën të ditur se rasti ka ndodhur të premten me 28 shkurt rreth orës 11:00.
“Është arrestuar i dyshuari pasi që gjatë kontrollit në shtëpinë e tij janë gjetur dhe konfiskuar: armë zjarri, municion, uniforma ushtarake si dhe pajisje tjera ushtarake. Me vendim të prokurorit i dyshuari është dërguar në mbajtje”, njofton Policia.
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
