Arrestohet një person në Gjakovë, dyshohet për veprën penale “detyrimi”

Policia e Kosovës ka realizuar një operacion policor në Gjakovë nën dyshimet se një i dyshuar ka kryer veprën penale të ‘detyrimit’. “Me datë 16.09.2024 njësitet policore kanë zbatuar një urdhër-kontrolli në vendbanimin e një personi të dyshuar për veprën penale të detyrimit, me ç’rast gjatë zbatimit të këtij urdhër kontrolli janë sekuestruar dy armë dhe dëshmi tjera të rëndësishme përmes të cilave provohet ekzistimi i dyshimit për kryerjen e veprës penale të detyrimit”, thuhet në komunikatën e policisë, transmeton Klankosova.tv. Personi i dyshuar dyshohet se përmes formave të ndryshme të kanosjes, në vazhdimësi ka tentuar që ta detyroj viktimën që të veproj kundër pasurisë së tij dhe përveç kësaj i njëjti po ashtu ka kryer veprime të bllokimit me forcë të biznesit dhe pronës së viktimës. Lidhur me rastin i dyshuari pas intervistimit me aktvendim të prokurorit kompetent është ndaluar për 48 orë.