Arrestohet një 32-vjeçari në Peshkopi, goditi me mjet të mprehtë një person në kokë

Një 32-vjeçar është arrestuar nga policia në Peshkopi, pasi ka goditur me mjet të mprehtë një person në kokë. Bëhet e ditur se personi i cili është goditur me mjet të mprehtë ndodhet në spital, nën kujdesin e mjekëve. "Në pranga ra J.K., 32 vjeç, banues në Peshkopi, pasi në ambientet e ish-fabrikës së miellit në qytetin e Peshkopisë,  pas një konflikti të çastit, për motive të dobëta, ka goditur me mjet të mprehtë dhe i ka shkaktuar dëmtime në kokë,  shtetasit S.B., 25 vjeç, banues në Peshkopi, i cili ndodhet në spital, në kujdesin e mjekëve". "Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme".