Arrestohet në Veternik shtetasi i Shqipërisë që kontrabandonte migrantë nga Egjipti

Një shtetas i Shqipërisë është arrestuar në Veternik të Prishtinës nën dyshimin se ka kryer veprën penale “Kontrabandim me migrantë”. Bazuar në njoftimin zyrtar të policisë, gjatë kontrollit në rimorkion e kamionit të të dyshuarit janë gjetur pesë migrantë, shtetas të Egjiptit, transmeton Klankosova.tv. “Me vendim të prokurorit i dyshuari dërgohet në mbajtje, ndërsa migrantët janë dërguar në kampin e azilit”, thuhet në njoftim.