Arrestohet në Kukës kosovari i shpallur në kërkim, dyshohet për drogë

Policia e Shtetit në Shqipëri ka zhvilluar një operacion policor të koduar si  “Operacionalja” në Kukës, ku u kap një kosovar, i dyshuar për veprimtari kriminale në fushën e narkotikëve. 31-vjeçari ishte shpallur në kërkim ndërkombëtar nga Kosova, transmeton Klankosova.tv. “Operacionalja 41, në kuadër të të cilit, nga ana e Drejtorisë së Forcës së Posaçme Operacionale, u bë e mundur lokalizimi në qytetin e Kukësit, kapja dhe ndalimi me qëllim ekstradimi i shtetasit D. D., 31 vjeç, banues në Kukës. Ky shtetas rezulton i shpallur në kërkim ndërkombëtar pasi Gjykata e Prishtinës/Kosovë, më datë 14.04.2025, i ka caktuar masën e sigurimit “Arrest me burg” për veprën penale “Shkelje e ligjit për lëndët narkotike (kokainë)”, të parashikuar nga Kodi Penal i Kosovës.”