Lajmet e fundit
Policia dje i ka arrestuar dy të dyshuar dhe i ka sekuestruar dy armë në Gjakovë në raste të ndara.
Në njoftimin e policisë thuhet se rasti i parë ishte në rrugën “Avdullah Babalija” në Gjakovë, ku i dyshuari Gj.V. ishte arrestuar derisa ishte në veturë, atij iu sekuestrua një pistoletë me një karikator dhe pesë copë fishekë.
Në rastin e dytë në rrugën “Gasper Karaqi” në Gjakovë, po ashtu është ndaluar një automjet dhe në posedim të pasagjerit, të dyshuarit M. H., është gjetur dhe konfiskuar një pistoletë me një karikatorë dhe 13 copë fishekë, të cilat i dyshuari i kishte në posedim në mënyrë të paautorizuar.
Lidhur me veprimet e ndërmarra është njoftuar prokurori kompetent, me vendimin e të së cilit dy të dyshuarit janë liruar në procedurë të rregullt. Ndaj tyre është iniciuar rast “Mbajtje në pronësi, kontroll ose posedim të paautorizuar të armës”./Klankosova.tv
