Arrestohet burri në Prizren, dyshohet se e rrahu gruan e cila kishte urdhër mbrojtje nga gjykata

Është arrestuar një burrë në Prizren, i cili dyshohet se ka sulmuar fizikisht gruan me të cilën jetonte. Viktima kishte edhe urdhër mbrojtje nga gjykata, njofton Klankosova.tv. "Është arrestuar i dyshuari kosovar nën dyshimin se i njëjti ka sulmuar fizikisht viktimën femër kosovare me të cilën ka bashkëjetuar të cilës i ka shkaktuar lëndime, ndërsa viktima kishte edhe urdhër mbrojtje nga gjykata", thuhet në raportin e policisë. "Viktimës i është ofruar tretman mjekësor, ndërsa i dyshuari pas intervistimit, me urdhër të prokurorit është dërguar në mbajtje".