Arrestohet 40-vjeçari në Suharekë, dyshohet se vodhi biçikleta, motosharrë, trotinet e këpucë

Është arrestuar një person në fshatin Reqan të Suharekës, i cili dyshohet për pesë raste të vjedhjeve të gjerave të ndryshme nga shtëpitë e qytetarëve në këtëk omunë dhe fshatrat përreth. Policia ka bërë të ditur se ka kryer edhe bastisje në shtëpinë e të dyshuarit dhe aty kanë gjetur gjëra të ndryshme që dyshohet që janë të vjedhura. Në këtë njoftim thuhet se konkretisht në shtëpinë e të dyshuarit janë gjetur dhe sekuestruar dy biçikleta, një motosharrë , një trotinet dhe 31 palë këpucë të ndryshme, përcjell Klankosova.tv. "Nga hetuesit e Stacionit Policor të Suharekës janë ndërmarr veprime hetimore dhe taktike-operative në terren dhe është identifikuar një i dyshuar për vjedhje ( D.F. 40 vjeç nga fshati Reqan, KK Suharekë). Me datë 12.09.2024  Sektori i Hetimeve në bashkëpunim me patrullën në detyrë kanë arrestuar personin e dyshuar, ky person dyshohet se ka kryer së paku  5 (pesë) raste të vjedhjeve të sendeve të ndryshme nga shtëpitë e qytetarëve në Suharekë dhe fshatrat për rreth". "Për veç veprimeve tjera hetimore  policia ka kryer edhe  bastisje në shtëpinë e të dyshuarit dhe aty kanë gjet sende të ndryshme që dyshohet që janë  të vjedhura, konkretisht në  shtëpinë e të dyshuarit janë gjet dhe  me urdhër te prokurorit kujdestar si prova materiale jan sekuestruar  : 2 (dy) biçikleta, 1 (një) motosharrë ,1 (një) trotinet dhe 31 (tridhjetë e një) palë këpucë të ndryshme". "I dyshuari është intervistuar ne prezencë të avokatit  mbrojtës, ai  ka pranuar disa rasteve të vjedhjeve, me urdhër të prokurorit i dyshuari është ndaluar për 48 orë. Ftohen për bashkëpunim qytetarët dhe stacionet tjera që të raportojnë gjërat e vjedhura nëse nuk i kanë raportuar apo të vijnë në stacion për të identifikuar pronën e tyre", thuhet tutje në njoftimin e policisë.