Arrestohet 30-vjeçari që dyshohet se e gjuajti me armë ish-deputetin Prenga, qëndroi në arrati 8 muaj

Policia shqiptare ka arrestuar një 30-vjeçar, i cili ishte shpallur në kërkim si i dyshuar për të shtëna me armë zjarri ndaj ish-deputetit të Partisë Sociale, Armando Prengës në maj të 2023-tës. Ai qëndroi në arrati 8 muaj, ndërsa prangosja e tij u bë në fshatin Gurëz të Fushë-Kuqës, si rezultat i disa informacioneve që policia i kishte siguruar, raporton Tvklan.al, transmeton Klankosova.tv. Policia në një njoftim zyrtar tha se i dyshuari është shpallur në kërkim me vendim të Gjykatës së Lezhës, për akuzën e vrasjes së mbetur në tentativë dhe armëmbajtje pa leje. Ngjarja kishte ndodhur më 17 maj, disa ditë pas zgjedhjeve lokale në vend, ishte vetë ish-deputeti ai që njoftoi atëherë se ishte qëlluar me armë zjarri nga 30-vjeçari.