Arrestohen tre zyrtarë të komunës së Obiliqit, keqpërdorën detyrën dhe falsifikuan dokumentet

Drejtoria për Hetimin e Krimeve Ekonomike i ka arrestuar tre persona, zyrtarë të komunës së Obiliqit.

Dy të dyshuarit: A. B. dhe N.K.Sh. (zyrtarë komunal), dyshohet se janë përfshirë në veprën penale ‘keqpërdorim i pozitës apo autoritetit zyrtar’.

Kurse, i dyshuari R.H., dyshohet se ka kryer veprat penale “legalizim i përmbajtjes së rreme” , “falsifikim i dokumenteve” dhe “mashtrim”.

Rasti është trajtuar nën dyshimin se një pronë është tjetërsuar në mënyrë të kundërligjshme.

Të dyshuarit janë intervistuar dhe me aktvendim nga prokurori, R.H., është dërguar në ndalim policor deri në 48 orë, kurse ndaj dy të dyshuarve tjerë rasti do të vazhdohet në procedurë të rregullt.