Arrestohen pesë persona në Gjakovë, u përleshën fizikisht

Pesë persona janë përfshirë në një përleshje në rrugën "Martirët e Kombit" në Gjakovë, ku më pas të njëjtit janë arrestuar. Rastin për Klankosova.tv, e ka konfirmuar zëdhënësi i policisë për rajonin e Gjakovës, Sheremet Elezaj. Sipas tij, Policia tek njëri nga të dyshuarit ka gjetur dhe sekuestruar një pistoletë dhe 13 fishekë, ndërsa tek një i dyshuar tjetër një shufër metalike. “Sot pesë persona meshkuj kosovar të moshës madhore janë arrestuar pasi të njëjtit ishin përfshirë në një përleshje fizike rreth orës 15 e 50 në rrugën "Martirët e Kombit" në Gjakovë. Lidhur me rastin është njoftuar edhe prokurori i shtetit me vendimin e të cilit të gjithë të dyshuarit janë ndalur në mbajtje”, tha Elezaj në një përgjigje për Klankosova.tv.