Arrestohen pesë burra në Prishtinë, theren me thikë tre të tjerë

Janë arrestuar pesë persona në rrugën "Sokol Sopi" në Prishtinë pasi dyshohen se kanë therur me thikë tre të tjerë. Si fillim, ngjarja nisi me rrahje mes tyre, ku më pas u përdoren thikat dhe arma e zjarrit, përcjell Klankosova.tv. "Janë arrestuar pesë të dyshuar meshkuj kosovar, pasi që ishin rrahur në mes vete, ku gjatë rrahjes janë përdorur armë zjarri dhe mjete të mprehta-thikë. Si pasojë, tre nga të dyshuarit kanë pranuar tretman mjekësor, pasi që ishin të therur nga thika", thuhet në raportin e policisë. Me vendim të prokurorit pesë të dyshuarit janë dërguar në mbajtje.