Arrestohen katër gjermanë në Shëngjin, u kapën me kanabis

Katër shtetas të Gjermanisë janë arrestuar në Shëngjin, nën dyshimin se posedonin lëndë narkotike të llojit kanabis. Policia e Shqipërisë ka bërë të ditur se lënda narkotike është sekuestruar, njashtu edhe automjeti që po përdornin, transmeton Klankosova.tv. Policia po ashtu njoftoi se të arrestuarit janë: L. H., 28 vjeç, L. S., 25 vjeç, S. H., 27 vjeç, dhe M. R., 23 vjeç, banues në Gjermani. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprën penale “Prodhimi dhe shitja e narkotikëve”.