Arrestohen dy italianë në Shqipëri, bënin trafikim të veturave luksoze

Policia e Shtetit ka bërë të ditur se ka arrestuar një shtetas italian si i dyshuar për trafikim të veturave luksoze në Shqipëri. Në njoftimin e lëshuar thuhet se i dyshuar është edhe një person tjetër që është vëllai i të arrestuarit, dhe është proceduar penalisht. Poashtu, janë sekuestruar edhe dy automjete (“Audi Q3” dhe “BMË X6”, prodhime të viteve të fundit), me vlerë rreth 150 000 euro". "Specialistët e Seksionit për Hetimin e Trafiqeve të Paligjshme të DVP Tiranë, në bashkëpunim me Komisariatin e Policisë Rinas, në bazë të informacioneve se dy shtetas ishin të përfshirë në veprimtarinë kriminale të trafikimit të automjeteve, kanë organizuar dhe finalizuar operacionin policor të koduar 'Luxury Cars'". "Në kuadër të operacionit është arrestuar shtetasi italian D. S., 37 vjeç, banues në Itali, si dhe nisi procedimi në gjendje të lirë për shtetasin F. S., banues në Itali.  Nga hetimet ka rezultuar se këta 2 shtetas, në bashkëpunim me njëri-tjetrin, kanë trafikuar në Shqipëri, automjete të vjedhura, kryesisht në Itali", thuhet në njoftim. /Klankosova.tv