Arrestimi i tre inspektorëve nën dyshimin për ryshfet, deklarohet ATK-ja

Një operacion policor është zhvilluar sot në Gjakovë, nga Drejtoria për Hetimin e Krimeve Ekonomike. Tre inspektorë tatimor u arrestuan nën dyshimin për marrje të ryshfetit. Lidhur me rastin u deklarua edhe Administrata Tatimore e Kosovës. Zëdhënësja e ketij institucioni Valentina Bytyqi - Sefa, tha për Klankosova.tv se nuk ka pranuar shkresë zyrtare as nga Policia e Kosovës e as nga Prokuroria Themelore e Gjakovës. Bytyqi-Sefa deklaroi se konfirmoi se për bastisjen vetëm është informuar drejtori regjional i Administratës Tatimore përmes telefonit. "Nga Policia e as Prokuroria nuk kemi pranuar shkresë zyrtare për arrestimet. Njoftimin nëpërmjet telefonit për bastisjet edhe ndalimin policor e ka pranuar drejtori regjional”- tha ajo për Klankosova.tv Ajo theksoi se Administrata Tatimore e Kosovës, ka bashkëpunuar gjithmonë me organet kompetente për t’i luftuar dukuritë negative. “ATK në momentin që pranon njoftim zyrtar apo kërkesë nga organi kompetent do të merr vendim sipas legjislacionit në fuqi”, tha ndër të tjera zëdhënësja e ATK-së transmeton Klankosova.tv/ Klankosova.tv