Lajmet e fundit
13 izraelitë dhe katër shtetas tajlandezë mbërritën në Izrael të dielën gjatë lirimit të grupit të dytë të pengjeve nga Hamasi në këmbim të të burgosurve palestinezë në një armëpushim katërditor.
Edhe pse me ndërmjetësimin e Egjiptit dhe Katarit, mosmarrëveshja që kërcënoi armëpushimin për lirimin e robërve nënvizoi brishtësinë e paktit që synonte lirimin e 50 pengjeve të mbajtura nga grupet militante palestineze dhe 150 të burgosurve të mbajtur në burgjet izraelite për katër ditë.
Imazhet televizive treguan pengje në anën egjiptiane të pikës kufitare Rafah pasi u larguan nga Gaza, ndërsa Hamasi ia dorëzoi robërit Komitetit Ndërkombëtar të Kryqit të Kuq të shtunën vonë.
Gjashtë nga 13 izraelitë të liruar ishin gra dhe shtatë ishin fëmijë dhe adoleshentë, raporton Reuters, transmeton Klankosova.tv.
“Pengjet e liruar janë rrugës për në spitalet në Izrael, ku do të ribashkohen me familjet e tyre”, thanë Forcat e Mbrojtjes të Izraelit (IDF) në një deklaratë.
Izraeli liroi 39 palestinezë – gjashtë gra dhe 33 të mitur – nga dy burgje, tha agjencia palestineze e lajmeve WAFA.
