Lajmet e fundit
Kanë kaluar shtatë muaj që nga koha kur Tomi, Gjina dhe Pashku janë shpëtuar nga kushtet e vështira dhe sot jetojnë në Parkun e Arinjve në Prishtinë, njofton Klan Kosova.
Ekipi i veterinarëve të cilët i kontrolluan së fundi janë shumë të lumtur me gjendjen e tyre momentale shëndetësore.
Plagët që dikur i kishin, tanimë janë larguar nga trupi i tyre e ndërsa në vjeshtë pritet të intervenohet edhe në dhëmbët që i kanë të dëmtuar si pasojë e kafshimit të mjeteve të forta.
Përveç Tomit, Gjinës dhe Pashkut në parkun e Arinjve në Prishtinë jetojnë edhe 16 arinj të tjerë.
Të gjithë këta arinj janë marrë nga restorantet në Kosovë dhe në Shqipëri ku kryesisht nuk i kishin as kushtet minimale për jetesë.
Parku i Arinjve gjendet në Mramor, te liqeni i Badovcit dhe është i hapur për vizitorë, njofton Klan Kosova.
