Arifi: Liderët çështjen e presidentit e trajtuan sikur të ishte kod bërthamor (VIDEO)

Analisti Dritëro Arifi ka deklaruar se çështja e zgjedhjes së presidentit/es të vendit po trajtohet si kod bërthamor nga liderët politikë. Në emisionin “Info Magazine” në Klan Kosova, Arifi komentoi takimet e zhvilluara dje mes kryeministrit në detyrë, Albin Kurti, dhe liderëve opozitarë, Bedri Hamza (PDK) e Lumir Abdixhiku (LDK), duke thënë se ato nuk sollën ndonjë rezultat konkret.

“Nuk tregoi asgjë hiç. Kjo është krejt problematika e lidershipit. Pra, ne po flasim për aktorët e njëjtë, standardet që janë vendosur janë të njëjta dhe rezultati do të jetë pak a shumë i njëjtë. Edhe nëse bëhet presidenti, nuk do të thotë asgjë, sepse ne po flasim për gjëra konkrete. Dje e kanë trajtuar çështjen e presidentit sikur të ishte fjala për kode apo sekrete bërthamore. Ju lutem, është qesharake, a po kuptoni? Domethënë, kjo është tallje me çdo gjë. Nuk është serioze, sepse emri i presidentit, pasi po vërehet që po flitet vetëm për atë çështje, emri i tij ose i saj do të duhej të ishte publik. Do të duhej të ishin tre-katër figura për të cilat mund të gjendet një konsensus. Nuk është fundi i botës”, tha Arifi në Klan Kosova.

Ndiqni deklarimin e plotë: