Arbër Hoxha: E dimë rëndësinë e ndeshjes kundër Serbisë, s’na duhet motivim shtesë

Sulmuesi i krahut i Kombëtares shqiptare, Arbër Hoxha, ka thënë se luajtën mirë kundër Letonisë. Pas ndeshjes, për Artmotion ai tha se ëndrra e Shqipërisë për në Botëror vazhdon. “E filluam ndeshjen shumë mirë, patëm raste edhe për të dyfishuar epërsinë, por me rëndësi janë tre pikët dhe jemi në garë për ëndrrën tonë, Kupën e Botës”, deklaroi Hoxha. Tutje, ai foli edhe për ndeshjen e radhës, atë kundër Serbisë, duke thënë se s’iu duhet motivim shtesë. “Të gjithë e dimë rëndësinë e kësaj ndeshje, nuk kemi nevojë për motivim tjetër. Do të shkojmë atje dhe shpresojmë ta fitojmë ndeshjen”, tha sulmuesi i Kuqezinjve. /Klankosova.tv