Xhudistja kosovare Arba Hasanaj dhe xhudisti Jon Kuka janë një hap larg medaljes së bronztë në turneun Casablanca Cadet African Cup 2026, që po mbahet në Marok.
Federata e Xhudos e Kosovës , ka njoftuar se Arba Hasanaj siguroi kalimin në ndeshjen për medalje pasi në repasazh e mposhti me Ippon xhudisten vendase Rokaya Ghadfane.
Për medaljen e bronztë, ajo do të përballet me Ivana Bebek nga Bosnja dhe Hercegovina, raporton Klankosova.tv.
Njëherësh edhe Jon Kuka tregoi paraqitje të fortë, duke triumfuar me Ippon ndaj marokenit El Mehdi Boudarham në repasazh.
Ai do të ndeshet për medaljen e bronztë me Ugo Marchiori nga Luksemburgu./Klankosova.tv
●●●
LESHKRIMI NGA
Lendita Elshani
Editorial nga Klan Kosova — ndjek sport dhe zhvillimet e tjera kryesore të vendit.
