Araujo: Rikthimi i Messit do të ishte shumë i mirë

Mbrojtësi i Barcelonës, Ronald Araujo, e ka pranuar që do të donte ta shihte Lionel Messin sërish te Barcelona.

Kontrata e argjentinasit me Paris Saint-Germainin mbaron në qershor, dhe nuk duket se palët kanë arritur ujdi për ta zgjatur atë.

“Rikthimi i Messit? Ta shohim, mirëpo do të doja të ndodhte,” ka thënë Araujo për Jijantes FC.

“Rikthimi i Leos do të jetë shumë i veçantë”, ka vijuar përfaqësuesi i Uruguait.