Apeli në Shqipëri publikon vendimin për caktimin e masës detyrim paraqitejeje për Sali Berishën

Apeli i GJKKO-së ka publikuar në mënyrë të përmbledhur vendimin mbi caktimin e masës detyrim paraqitjeje për ish-kryeministrin e Shqipërisë, Sali Berisha. Euronews Albania flitet se pse u mor vendimi për të zëvendësuar masën arrest shtëpie në detyrim paraqitjeje për Berishën. “Lidhur me zëvendësimin e masës së sigurimit personal nga ajo e “Arrest në shtëpi” në “Detyrim për tu paraqitur në policinë gjyqësore”, duke marrë parasysh: – faktin se kërkuesi kishte një vit me masën e sigurimit “Arrest në shtëpi”, – faktin se moszbatimi i detyrimeve që lidheshin me masës e sigurimit “Detyrim për tu paraqitur në policinë gjyqësore” bazoheshin mbi një alibi për antikushtetuetshmërinë e kësaj mase, të rrezuar tashme nga Gjykata Kushtetuese, – moshën dhe rrethana e tjera që kanë qenë në konsideratë të gjyqtarit të hetimeve paraprake, por të vlerësuara tashmë në raport me këto rrethana të tjera, – si dhe duke mbajtur në konsideratë faktin që jemi në periudhën para fushatës zgjedhore dhe kërkuesi është konsideruar edhe nga vendimi i Gjykatës Kushtetuese si lideri i opozitës, ose kryetar i partisë kryesore opozitare, u arrit në përfundimin që masa e sigurimit “Arrest në shtëpi” nuk ishte më e nevojshme”, thuhet në vendim sipas Euronews Albania. Më tej Apeli i GJKKO-së paralajmëron Berishë se nëse nuk zbaton masë detyrim paraqitjeje ndaj tij do aplikohet një masë më e rëndë sigurie.