Apeli ia mori vulën e PD-së dhe ia dha Berishës, Basha thërret mbledhje të partisë

Pas vendimit të gjykatës së Apelit, e cila i dha vulën Sali Berishës, është zbuluar edhe hapi i radhës i Lulzim Bashës. Tashmë, jo si kryetar legjitim i partisë më të madhe opozitare në vend, Basha ka thirrur në orën 17:00 strukturat, mbështetës të tij në seli. Nga sa bëjnë me dije burime për A2 CNN, në fokus të kësaj mbledhjeje do jetë analiza e vendimit të sotëm të Gjykatës së Apelit si edhe hapat që do merren më tej. Theksojmë se deri më tani, Lulzim Basha nuk ka pasur asnjë deklaratë lidhur me vendimin e gjykatës së Apelit që i dha vulën PD-së, Sali Berishës./A2CNN/